龍鳳祥餃子館 (已結業)

今日去左深水埗陪朋友买手作材料，之后一齐去左西九龙中心食午饭。一上电梯到三楼就见到龙凤祥饺子馆，之前食过佐敦个间，觉得好好食所以决定试埋深水埗呢间。面积比佐敦个间大，餐牌就一模一样。见到店员一直包饺子，只只都胀卜卜充满馅料，而且肯定新鲜。我地要左一碟细既鸡丝粉皮，超足料，鸡丝系粗身，加上大量青瓜丝，而且麻酱亦调味得非常好，$20真系好抵食。到主角饺子，要左一碟汤饺，一碟煎饺，2种都要左双拼，一次过可以试4款味道！汤饺要左肉三鲜拼京葱羊肉饺。肉三鲜入面有韮菜，猪肉同鲜虾，三样材料比例岩岩好，而且原只虾都新鲜。京葱羊肉饺比较浓味，但羊唔会太膻，加埋京葱好香。到煎饺，完全冇油益味冇油腻感，而且饺子皮煎到好脆。我地要左蕃茄蛋饺拼韮菜猪肉。韮菜猪肉其实同肉三鲜一样味，只系冇左只虾，一样好浓韮菜香。蕃茄蛋完全唔会水汪汪，炒蛋蛋味浓，清清地，好好食呀！最后要左杯豆浆，好浓郁既豆味，又唔会太甜。总括黎讲呢度同佐敦个间一样有水准，而且非常抵食。