ZAN CHEE (新城市廣場一期) (已結業)

新城市广场开左呢间韩国菜外卖店都一阵子，之前见佢长期排长龙所以一直都无机会试，最近见佢嘅人龙开始无咁夸张，于是就买返屋企做晚饭试下！我同家人一向都钟意食韩式饭卷，因为馅料够多而且色彩鲜艳卖相好靓，今次我地一口气买了两条饭卷，分别系炸虾饭卷($55)同鳀鱼饭卷($45)。首先每条嘅分量都唔少，分别都有10件饭卷，一人一盒做晚餐已经够晒，仲要系四五十蚊嘅价钱相当合理。另外，我地拎返屋企到食得都隔左半小时，炸虾食落意外地仲保持脆口，唔会因为合上盖放置得耐而变冧。加上用料十足而新鲜，青瓜黄萝卜食落依然爽脆，饀料多过饭，系营养丰富又健康好味嘅一餐，值得再回头！