麪譜車仔麵

营业中

休息中

大埔区好多平民食店，呢间新开车仔面，装修富有怀旧风味。车仔面点菜纸别出心裁，入边啲字都几搞笑。车仔面两𩠌一面$32、三𩠌一面$41、加配每款送$9。拣咗沙嗲牛柏叶、瑞士留学鸡翼、陈皮鱼蛋、酥炸虾卷、时菜配「是旦麻辣汁」「无FEEL（小辣）」（餐牌字咁写好搞笑😆）。牛柏叶爽口，鸡翼几入味。酥炸虾卷大大条。汤底微辣，配咗米线几好！另一碗拣咗麻甩辣鱿鱼🦑、秘「鲁」腩仔肉、万年卤大肠、手打鱼肉、紫菜、生菜🥬粗面配hea底牛腩汁。卤大肠入味好食，辣鱿鱼几香。小食拣咗凉拌糖心皮蛋$25 及韭菜猪红$30，糖心皮蛋有少少麻辣味道、香辣。韭菜猪红韭菜好香，猪红好食！当然要叫返杯冻奶茶及冻柠茶！