一喜車仔麵

营业中

休息中

滋味無窮紫菜四寶,加12蚊配個銀針粉。紫菜四寶除左有紫菜心外，仲會有潮汕手工小米粿、特級瀨尿牛筋丸、汕尾馬駮豬肉丸同有魷魚的魷魚丸。佢地嘅瀨尿牛筋丸超正，超爆汁，口感都好好.。另外個湯底都幾好味，就咁叫個清湯都好甜好味。另外仲叫左生炸香辣單骨雞翼同咖喱三寶（水魷魚、咖喱魚蛋、咖喱牛柏葉），雞翼好香，而咖喱汁都唔錯，唔會太稀或太濃。最後，我仲叫左沙嗲牛腩同鴛鴦餃（韭菜餃和菜肉餃），沙嗲牛腩嘅沙嗲味重，而且底下有蘿蔔配搭。而鴛鴦餃會有兩種唔同味道嘅餃，令人食得好滿足。