麻辣娘子 (新都城中心) (已結業)

下午茶时间嚟呢到，人流唔多，座位相当阔落。点餐系类似车仔面咁去写纸仔，首先拣汤底然后拣𩠌，汤底三款：四川春辣汤、清汤和酸菜鱼汤。我就叫咗酸菜鱼汤，记住呢个只系汤底，需要鱼要系配菜到剔埋鲜鱼片！最后我拣咗酸菜鱼金针菇米线$48，呢个价位嚟讲绝对对得住有余！对于我呢个唔太食得辣既人嚟讲我都可以食得到，有麻香又够酸！一碗既份量都几大碗，而鲜鱼片系绝对要嗌！因为鱼质好滑而且无骨，块块都几大旧而且数量都几多。同行朋友就拣咗酸菜鱼汤莴荀鸭红红薯粉，佢就认为红薯粉好弹牙，而莴荀同鸭血都唔咪常见到有得拣既配料，味道唔错，但𩠌既份量同鲜鱼片比起就无咁多。