友義氣‧酸菜魚

营业中

休息中

是日出红磡做嘢，做到两点几先有得食晏，系附近见到呢间「友义气」，一于同同事食个酸菜鱼。由于唔系午饭时间，人唔算太多；下午茶时段有85折，都算抵食。餐厅有好多中式灯笼及画，碗碟都好有中式味道。老坛酸菜鱼 :两个人叫咗一份标准酸菜鱼，店员讲可以根据我地喜好调校酸度、辣度及麻度，同事唔太食得辣，所以只系叫咗小辣。标准酸菜鱼大大碗，鲈鱼片份量好多，无骨啖啖肉够晒嫩滑，配菜有莴荀、金菇、芽菜及云耳，吸收晒酸酸麻麻嘅汤，非常惹味；另外仲有好多薯粉，两个人都够食。大柠茶 :食酸菜鱼梗系要有冰冻嘅饮品，呢杯大柠茶就啱晒喇，绝对唔驶惊唔够饮，食完酸菜鱼饮返杯真系份外冰凉。