隱世貳館 (已結業)

好耐之前朋友话沙田都有一间系食重庆烧烤仼食既，沙田博康村既大排档，地方都尚算干净企理。 头顶上都有好多风扇，所以烧个时候都可以降吓温冇咁热。呢度有啲海鲜就另外收费，而其他大部份嘅都系饮食，而每人都系有一个饮品。呢度嘅食物全部都系用竹签吉好，咁样就可以好方便甘用样烧，省却咗啲程序。店舖所提供嘅酱好惹味，有啲似沙嗲酱嘅味道， 令到串烧嘅味道生色左唔少。其实普遍嘅材料质素都唔错，所以我就集中讲几样比较好嘅食物。鸡软骨好好味，烧到好香脆再加上啲酱汁，我真系无话可说！我同朋友都食左好多串😍😍猪肉串都唔错，腌得好入味。鸡翼都唔错，好惹味，而且我地烧得啱啱好，另外只鸡翼外脆内软，入边好juicy，正！烧菠萝我都推荐！好多汁同埋好甜虽然唔系好大旧，但食完有得在再拎唔紧要。墨鱼丸大大粒，好香墨鱼味，食落好弹牙，牛丸都唔错。墨鱼咀好大粒，都好新鲜，食落好弹牙，咬到中间仲有汁咇出黎，我好钟意食，食左好多粒。就算有酱汁提供，店舖好多肉类都已经腌左，好有诚意！😋而且食物质素仲要唔差，值得推介！