釜之魂釜飯專門店 (淘大商場) (已結業)

约咗老友记中午食饭， 中间点揾咗九龙湾。 过咗去淘大果边，开咗好多餐厅， 但沿途有点崎岖，因为地铁通往淘大𠮶边有地盘动工。我哋揾咗一间食釜饭专门店。  接近午饭时间尾声， 人流唔算多， 系三期地下。门口已经见到一栋栋德岛县产日本米，非常期待。午餐餐牌有四十几道 唔使一百蚊都有交易，又估唔到！金魂釜饭$98店员放低 釜饭专用嘅器皿， 因为是高温即煑即焗， 有特制机关释放蒸气，鳗鱼足有一大块， 肉厚肥美， 鳗鱼汁非常惹味唔会太咸。 米饭非常烟韧， 黏实喺圆形盛载器， 非常“实心”。小食选择唔算多，有几款想叫也已经没有货。串烧玉子$28长方柱体嘅烧玉子， 有蛋香，甜甜地仲微微暖。炸鸡全翼，外皮脆卜卜， 但梅干粉稍嫌过多， 太甜破坏了 整体味道。每款午餐都送 前菜（腌萝卜），汤和 饮品， 够晒丰富!盐曲鸡肉野菜煑配 釜饭 $58热锅里面有粗粉丝， 京葱，蔬菜，冬菇。 鸡肉好嫩滑， 汤底系 寿喜烧嘅味道， 带甜， 味道唔错！再配釜饭 都非常丰富。 午餐选了冻苹果蜜，柚子蜜。 都是现成一瓶可以自己冲嘅果蜜。