影片
更多
2021-09-11
49 浏览
今日又出动同老公去食日本嘢行过兆万对面见到有间楼上舖似乎系新开 我哋就上去试吓啦呢度嘅款式都几多装修系东瀛嘅感觉坐卡位可以望到街景 好少由呢个角度望落去 有趣又想食泡菜豚肉锅又想食牛肉寿喜锅最后好癫两个拣晒🤣🤣个人比较钟意泡菜豚肉锅好浓嘅泡菜汤 入边有菜肉菇等等豚肉好肥呀但配返泡菜酸酸辣辣又冇好油腻嘅感觉 个汤好正 忍唔住饮多几啖牛肉寿喜锅就同平时𠮶啲一样啦 中间有只蛋 可以趁热自己整蛋花 呢个都唔错嘅👍🏼讲真$58蚊一个锅物其实真系好抵另外嗌多个三色鱼生饭 会跟面豉汤薄切鱼生片大概九片 另外侧边有个三文鱼腩嘅花 超肥美🥰最后饮品拣黑糖姜母茶老公竟然要求多甜少冰😱好彩出嚟甜度又啱啱好㖞 味道唔错嘅见到好多姜粒粒系杯入面 如果可以我会建议餐厅用茶袋装住 因为啲姜粒碎湿湿 会令到喉咙好痕想咳😅最后嗌多咗一串牛舌 好香油脂味 买大块好有口感 正😄
行过兆万对面见到有间楼上舖
似乎系新开 我哋就上去试吓啦
呢度嘅款式都几多
装修系东瀛嘅感觉
坐卡位可以望到街景 好少由呢个角度望落去 有趣
又想食泡菜豚肉锅又想食牛肉寿喜锅
最后好癫两个拣晒🤣🤣
个人比较钟意泡菜豚肉锅
好浓嘅泡菜汤 入边有菜肉菇等等
豚肉好肥呀但配返泡菜酸酸辣辣又冇好油腻嘅感觉 个汤好正 忍唔住饮多几啖
牛肉寿喜锅就同平时𠮶啲一样啦
中间有只蛋 可以趁热自己整蛋花 呢个都唔错嘅👍🏼讲真$58蚊一个锅物其实真系好抵
另外嗌多个三色鱼生饭 会跟面豉汤
薄切鱼生片大概九片 另外侧边有个三文鱼腩嘅花 超肥美🥰
最后饮品拣黑糖姜母茶老公竟然要求多甜少冰😱
好彩出嚟甜度又啱啱好㖞 味道唔错嘅
见到好多姜粒粒系杯入面 如果可以我会建议餐厅用茶袋装住 因为啲姜粒碎湿湿 会令到喉咙好痕想咳😅
最后嗌多咗一串牛舌
好香油脂味 买大块好有口感 正😄
张贴
