鐵板燒紗舞縭 (已結業)

夜晚约左男友去太古康怡睇戏，见放工后仲有时间，我地就系康怡行左阵街，到八点先落康怡food court 揾食。见铁板烧好吸引，又得十个人排队，唔算好长龙，所以就去排埋一份。入座都算快，我地等左十五分钟已经有位，但今次坐正个铁板前面对到正，个炉既抽气又做得唔系太好，令到啲衫同头发好大阵油烟味😔。我地叫左一份单人海陆套餐，再加跟餐优惠价$168一份澳洲和牛，里面有两只大虾配蒜香牛油帆立贝，香煎龙鯏鱼扒，肉眼猪扒，澳洲和牛，前菜系螺肉，餐汤系罗宋汤，仲有炒油麦菜同白饭。和牛虽然系澳洲来源，但我地叫左五成熟，软硬岩岩好，又够牛味，$168 好抵食。但肉眼猪扒就唔够猪味，食落鞋左啲，佢跟左个汁点猪扒架，但个汁好咸，唔建议点个汁，我地宁愿点和牛旁边既盐同黑椒好过。香煎龙鯏鱼唔错，够厚身又够滑，有鱼味又唔腥，餐厅餣得唔错，味道岩岩好。帆立贝直径都有4cm ，唔算太细只，但两只大虾连壳，所以食果阵要用手去壳，整污漕只手，如果餐厅师傅可以煎果阵去埋壳会更加好。三百几蚊既铁板烧够晒两个人食饱饱又味道唔错，价钱合理，衣间铁板烧又平又靓又正，可以再encore。