鐵板大師

营业中

休息中

餐厅新开，位于沙田嘅好运中心，中午下午茶以及晚市有唔同套餐可以选择，主打铁板料理，份量多，价格亲民，性价比高。最近新推出火焰系列，见有唔少客都要咗呢款，食物款色老少咸宜，住喺附近嘅朋友仔可以嚟试一试。私心推介脆香巨型鸡脾，热辣辣上，咋咋声，炸至外层酥脆，肉质嫩滑，邪恶又好味道。健康啲嘅话可以要鸡扒，啖啖肉，调味适中。两款转套餐会包埋餐汤、薯条同饮品。薯条又脆又热，令人忍唔住一啖接一啖。中午到访嘅可以试试西西里式汉堡扒拼旋风蛋，汉堡扒带咬口，牛味出，搭配旋风蛋捞饭都几夹。吉列猪扒算厚身，肉质扎实，无雪藏味。全部旁边会附上少量蔬菜同酱汁，蕃茄沙沙汁带微微辣，好惹味。最后记得要埋朱古力波波，咬落爆浆，为呢餐作个完美嘅句号。