鬍鬚佬私房菜

营业中

休息中

其实我都系应朋友邀请过到嚟食饭呢度嘅格局系类似上楼旧式菜馆𠮶种格局今晚嘅菜都十分之丰富虽然呢度好出名爵士汤，但系我哋就叫咗个炖汤翅仔，嚟到每人一碗好大碗，我哋个个都好震惊，炖汤翅好足料，一排排嘅翅粗过牙签，另外佢嘅汤底都系偏浓厚𠮶种，而唔系清汤𠮶种。讲到最出色，就系个奄仔蟹肉饼所有蟹嘅精华都去晒个肉饼度，呢个肉饼用嚟捞白饭一流！花胶炒饭都系名菜之一，虽然我系一个女仔唔系好钟意食饭，但系我都食咗两碗，真系好好食！佢系类似福建炒饭𠮶种汁炒饭，但系个锅底都会有少少饭焦，正！我哋仲有叫到羊腩煲，白切鸡，回锅肉，上汤菜⋯ 其实我哋七个人，有五个女仔，都唔系好大食，不过个阿姐系咁叫我哋嗌多啲嘢食呢度有啲𩠌，都系偏咸嘅，但系就真系镬气十足同埋好大碟👍🏻👍🏻👍🏻最搞笑系老板会出嚟同所有食客敬酒，佢系会用香港小姐嘅音乐去衬托自己出场，真系好搞笑！令全场气氛为之一振👍🏻👍🏻另外甜品我哋食咗即磨杏仁糊，呢个杏仁糊真系好足料，而且好香浓。总括嚟讲我哋虽然食唔晒好多嘢仲打埋包添，但系为返都只系六百几蚊人均，而呢个食物质素真系几抵食👍🏻👍🏻