蜀府川鍋 (已結業)

母亲大人就黎生日,梗系要请佢食番餐好啦,听闻依到嘅海鲜新鲜又抵食,所以就决定带佢黎试一试。皮蛋颜色同一般食开嘅唔同,系黄色嘅,听讲依个系重庆皮蛋嘅特色,仲要系溏心㖭配埋尖椒非常惹味。虽然蒜泥白肉我就食得多啦,但系依种包住青瓜嘅食法就比较小食。薄薄嘅白肉片包住爽脆青瓜,令蒜泥白肉感觉无甘油腻又清新,口感多左又好味D。一炉两食嘅双层蒸气塔就可以一次过满足晒我想食蒸海鲜同打边炉嘅要求啦。上层嘅蒸炉可以用黎蒸海鲜。下层我就择左瑶柱鲜竹排骨粥底,可以用黎打边炉之余,最后仲可以食返碗充满精华嘅粥。个set好丰富,有龙虾,大蚬王,沙巴龙趸,鲍鱼,虫草花鲜鸡,蒜蓉粉丝大元贝同粟米。D海鲜够晒新鲜又抵食,特别系鲍鱼上枱个阵仲郁紧。仲叫左碟本地手切牛颈脊用黎打边炉,份量十足。其实无论几时见到"绿茶"依两个字就会有种吸引力令我好想试。吾理三七廿一,热辣辣都即刻摆落口到试。依个抹茶饼嘅抹茶味就食吾太出,但系炸得香脆.而目外面嘅芝麻非常之香口,里面仲有微甜嘅芋泥馅料㖭。当然如果有埋抹茶香味就当然最好啦。