聚燒遙

营业中

休息中

呢间真系街坊价钱，每一样嘢都好大份，超级抵食。而且味道又真系几高质，选择非常多，有鸡煲、烤鱼、不同串烧等等。我哋叫咗麻辣鸡煲，半只已经好多份量，麻香十足，非常惹味，就算唔食得辣嘅人都可以食到，鸡肉好嫩滑，配埋芫荽食真系好正。之后当然要食返几串串烧喇，叫咗茄子🍆，真系成条上，条茄子切开咗仲大过我块面，加咗大量蒜蓉，调味十足好香！牛舌太厚切，啖啖肉，好食到我哋仲想叫多两串。个人好钟意佢嘅烤芦笋，鲜嫩多汁，孜然粉调味唔错😋除咗串烧之外，佢哋仲有好多川味开胃菜，我哋试咗凉拌皮蛋，又系加咗好多蒜蓉，秘制酱汁超级好食，下次再嚟深水埗一定会嚟呢间，又好食，又扺食