大橋頭餐廳 (已結業)

今晚男朋友去观塘踢波，之后一齐食饭，球场则边有间小食馆，望落都好新净，决定入去试吓。亚南鸡煲我地点咗细煲，小辣，鸡煲上枱之后，侍应会帮手炒鸡，个煲即刻涌出来香喷喷既味，色香味俱全，未食已经知道会唔错。果然味道香浓，鸡皮脆，鸡肉好滑，而且都唔少，有9大件，大大嚿啖啖肉。洋葱同配菜都多，超香，d粉丝系韩式粉丝， 吸晒鸡煲嘅精华，超香超好味，贪心嘅我响度谂如果再多啲粉丝嘅话，就好啦。一人火锅呢一个系老细介绍，唔贵就试试，份量啱啱好，汤底有红萝卜，白萝卜，同粟米，汤底都几清甜。呢个一人火锅有好多款唔同嘅丸，有牛丸，墨鱼丸，鱼蛋，贡丸，龙虾丸，蟹柳，惊喜嘅系竟然有芝心牛丸。蔬菜篮有唐生菜，娃娃菜，油麦菜同埋南瓜，全部都好新鲜。肥牛肉有三大块，食肉兽男朋友表示想要多啲牛肉。但系其实𠮶餐有一个乌冬，所以佢一定够饱。如果真系唔够饱都有得最加配料，每款$12 ，好抵食。鸡扒包鸡扒包热辣辣，新鲜即叫即做，个包烘咗底，鸡扒煎得唔太油，好焦香，鸡扒Juicy,夹埋生菜，鲜甜菠萝连同千岛酱一齐食，好有满足感。呢个港式包都做得好有诚意。如果个包改用法式包，应该会再加分唔少。芒果牛奶大大杯，甜到刚好，芒果味都几香甜