影片
更多
2022-05-25
96 浏览
大半年前食过荃湾分店，觉得价钱相宜几抵食，于是今次就试下第二间分店，一次过食匀鸡煲同边炉。鸡煲嗌咗小辣，分量两个人食都几多，几浓味，下次可以嗌中辣！我哋嗌咗A餐，有两款肥牛拣。食落去唔太韧，又冇咩肥膏，唔呃秤又唔会令到成个汤飘浮住肥油。仲有得任食羊肉！作为牛肉爱好者，唔少得嗌返碟牛栢叶。上次食嘅时候已经觉得几大嚿几易捞，又爽口，今次再食水准仲喺度！呢度嘅墨鱼滑几弹牙几正，真系有墨鱼味而唔系胶味。呢度嘅其中一个吸引之处系有得喺小食类别拣麻辣鸭血，不足嘅地方系上桌嘅时候已经唔系几够热，要掉入个煲度翻热，但翻热完之后食又冇咗浸麻辣汁嘅味，有啲可惜。食完正餐之后再拎咗啲雪糕嚟食，有乳酪味同朱古力味，食完之后透心凉～肥务方面，啲staff收碗碗碟碟都好快，有效率！
鸡煲嗌咗小辣，分量两个人食都几多，几浓味，下次可以嗌中辣！
我哋嗌咗A餐，有两款肥牛拣。食落去唔太韧，又冇咩肥膏，唔呃秤又唔会令到成个汤飘浮住肥油。仲有得任食羊肉！
作为牛肉爱好者，唔少得嗌返碟牛栢叶。上次食嘅时候已经觉得几大嚿几易捞，又爽口，今次再食水准仲喺度！呢度嘅墨鱼滑几弹牙几正，真系有墨鱼味而唔系胶味。
呢度嘅其中一个吸引之处系有得喺小食类别拣麻辣鸭血，不足嘅地方系上桌嘅时候已经唔系几够热，要掉入个煲度翻热，但翻热完之后食又冇咗浸麻辣汁嘅味，有啲可惜。
食完正餐之后再拎咗啲雪糕嚟食，有乳酪味同朱古力味，食完之后透心凉～
肥务方面，啲staff收碗碗碟碟都好快，有效率！
张贴
