冧廚 (已結業)

朋友请食饭，朋友话请我食三重奏，原来就系食鸡煲，火锅同韩烧，朋友带我去左屯门工业区冧厨食，谂住价钱应该都唔平，点知原来只系$158就可以食齐3样野。餐厅通风系统做得好好，唔会食完成身味。韩烧、火锅配料、熟食、甜品、汤，饮品都系任饮任食鸡煲未黎之前我饮左碗人参鸡汤，人参鸡汤味道好浓郁，无味精，饮得出好足料，我同朋友每人饮左3碗。鸡煲即叫即炒，所以等左一阵有得食啦，鸡件已经炒熟，所以一上枱就食得啦，入面仲有好多我至爱既洋葱，鸡件唔会有好多碎骨，而且份量都好多，鸡件已经入晒味，鸡汁好惹味，仲有鸡件可以无限添加食完鸡煲就打边炉，我地拎左少量火锅材料打边炉，因为食得太多鸡，已经饱饱地。打完边炉就要韩烧一下，我地都系拎左少量配料。最后食埋个甜品就已经饱到上心口啦。由其餐厅既牛奶布丁好浓好香好滑，我地每人食左3杯。