影片
更多
2020-11-29
365 浏览
以前食鸡煲每人无$300都落唔到楼，不过随住鸡煲愈来愈平民化，终于都有任食鸡煲啦！今次食嘅鸡煲，只系$118一位！仲要系系铜锣湾近鹅颈桥，地铁站行过嚟5分钟就到，非常方便易揾。价钱系按时段分几款，最抵嘅系平日7:30离座，只系$118/位，啱晒我地早食人士。如果想无限添加鸡煲，只系每位加$10就得，不过我地唔想食太饱，所以无加。鸡煲我地拣咗小辣，唔洗十分钟就上枱。鸡煲酱汁偏甜，辣味刚刚好唔会有种死辣嘅过刺激味，少少辣好过瘾，即使唔太食辣嘅都可以一试！咸味适中，盐味唔会太过抢，相反有种蚝油嘅鲜味，配合蒜头、洋葱、西芹及芫荽，香味浓郁。鸡件份量十足，二人份大约有半只大鸡，有鸡味，肉质偏滑，入口唔会鞋唔会轫，好食。枱上有介绍鸡煲食法，食完鸡煲唔系即刻打边炉；建议加汤前用鸡煲汁煮水鱿鱼及牛柏叶，开头都唔明白点解，跟住整，原来系咁惊喜！用鸡煲汁煮嘅牛柏叶同水鱿鱼好似平时香港人街边小食咁，沾满咗浓浓的辣汁，好惹味，比用打边炉汤底去煮更加好食。推介大家要跟住呢个方法去煮！打边炉配料我地拣咗美国肥牛、鸡子、芋丝、猪红、午餐肉等等。推介美国肥牛及鸡子，鸡子粒粒肥嘟嘟，新鲜无腥味。美国肥牛肥瘦适中，薄薄地
以前食鸡煲每人无$300都落唔到楼，不过随住鸡煲愈来愈平民化，终于都有任食鸡煲啦！今次食嘅鸡煲，只系$118一位！仲要系系铜锣湾近鹅颈桥，地铁站行过嚟5分钟就到，非常方便易揾。
价钱系按时段分几款，最抵嘅系平日7:30离座，只系$118/位，啱晒我地早食人士。如果想无限添加鸡煲，只系每位加$10就得，不过我地唔想食太饱，所以无加。
鸡煲我地拣咗小辣，
唔洗十分钟就上枱。鸡煲酱汁偏甜，辣味刚刚好唔会有种死辣嘅过刺激味，少少辣好过瘾，即使唔太食辣嘅都可以一试！咸味适中，盐味唔会太过抢，相反有种蚝油嘅鲜味，配合蒜头、洋葱、西芹及芫荽，香味浓郁。鸡件份量十足，二人份大约有半只大鸡，有鸡味，肉质偏滑，入口唔会鞋唔会轫，好食。枱上有介绍鸡煲食法，食完鸡煲唔系即刻打边炉；建议加汤前用鸡煲汁煮水鱿鱼及牛柏叶，开头都唔明白点解，跟住整，原来系咁惊喜！
牛柏叶
15 浏览
0 赞好
0 留言
水煮鱿鱼
11 浏览
0 赞好
0 留言
打边炉配料我地拣咗美国肥牛、鸡子、芋丝、猪红、午餐肉等等。推介美国肥牛及鸡子，鸡子粒粒肥嘟嘟，新鲜无腥味。美国肥牛肥瘦适中，薄薄地易入口亦有牛味。配料我地每样只系点一份，但每份份量都唔少，建议大家每次唔好点咁多款，一阵食唔晒会浪费。
饮品及热食可以系出面拎，记得带返个口罩啊！热食有白饭、沙姜鸡脚及泡椒猪手。不过净系食鸡煲都好饱无试到。饮品选择都几多，汽水、韩式饮品都有，我唔想饮甜嘢哥仔就俾咗罐乌龙茶我。唯一美中不足就系无热饮，只有热水。
张贴
