小火焰韓式咖啡廳 (觀點中心) (已結業)

知道呢间韩国野好耐，之前其实都食过一次，不过只系食过佢个 “溶岩芝士炸鸡面包”仲要系外卖，所以好想堂食一次，今日就系机会啦环境有啲半开放式咁，岀面系有啲Cafe形式，有商场内既外面位置，亦有内里座位，餐厅都几大。溶岩芝士炸鸡面包 $128为左呢个而来，好耐之前食过一次，但系外卖，觉得食唔到佢最新鲜既味，所以再黎试。好快上枱，芝士包上面仲结左一层“衣”，拮一件炸鸡再沾上芝士，果真系溶岩芝士瀑布，超级拉芝而且拉极都唔断，唔会好凝结，可以系咁拉芝，卷上劲多芝士，入口绵密，芝味浓郁！不过炸鸡就较逊色，炸粉厚，鸡肉唔够嫩，如果炸鸡再做得好啲真系无得弹，超级抵食！伴碟仲有沙律同墨西哥脆片，食完成个溶岩芝士炸鸡面包连伴碟，你都咪话唔饱，海量芝士加炸鸡再加面包已经饱左一大半，就算散叫$128真系好抵食。韩式煎杂菜虾饼  $58由于主力系食溶岩芝士炸鸡面包，所以另外只系再叫多小食就算，拣左呢个韩式煎饼，平时食黎食去都系泡菜煎饼或者海鲜煎饼，见到呢个系杂菜虾饼就试下，都有4只虾，将煎饼1分为4时唔洗怕有一份冇虾，口感就粉左啲，同埋可以煎得更香，不过不失。总括而言，因为我地打算留肚食下场，2个人只系点左一个