韓閣 (新都城中心二期)

营业中

休息中

晚上三人行同朋友去咗将军澳新都城食饭，听讲呢间韩国菜几抵食，于是我哋就拣咗佢。一入到门口就见到生日有优惠拣咗两份主食，一个汤，一份小食，仲有一人一杯特饮。韩国拌饭（韩式牛肉）$58韩式牛肉份量充足、搭韩式辣椒酱捞匀其他配料（包括红萝卜、青瓜，同埋豆芽），夏天食凉拌饭就啱啦！好食又消暑。朋友都话呢间最抵食。我自己就几钟意佢嘅泡菜，同埋莲藕配菜，味道唔错！系呀饮品呢我就叫咗蝶豆花特饮（冻），味道清新唔会太甜，清热一流！另外两位朋友就叫咗橙汁菠萝梳打（冻）。呢两只色够反差，打卡出色。$18 一杯海鲜煎饼 $88一开始我哋仲喺度谂，点解好似冇咗啲青葱，会唔会唔够香㗎？一啖食落去呢就发现，个煎饼可以又香嘅海鲜味，点沙律酱或者将附带嘅酱油都已经好好味。人参鸡汤 $168个鸡汤嘅份量都几多嘅，不过整体感觉佢就比较淡少少，如果呢搭配一啲重口味嘅韩国菜，可以饮呢个汤，会比较舒服嘅。鸡肉几软身，味道OK。甜辣黄金豆腐磗 $52呢个小食，真系非常需要推介新鲜出炉嘅黄金豆腐砖，外脆内软，浸上一层甜不辣酱，豆腐嘅清香味道，刚刚好同甜不辣酱巧妙咁搭配一齐。