南대門韓國料理

营业中

休息中

尖沙嘴韓國街有好多小店，呢間位置比較偏僻，去到街尾先見到，但估唔到夜晚都滿座，仲要排隊。店內環境唔大，座位之間有適當距離，有一半都係非本地人，相對嚟講食物價格親民，款色就大同小異，有齊常見嘅飯、麵、主食、小食，前菜亦可無限添加，掛住韓國菜嘅呢度都係咁錯嘅選擇。嚟得食韓國菜冇可能唔叫返個經典嘅石鍋牛肉飯，上枱時咋咋聲，上面鋪滿配菜，飯粒軟糯，有焦香氣，放多陣仲起到成塊飯焦添，好似食緊薯片咁，醬汁可按個人喜好落多少，呢款唔算好辣，撈埋一齊幾惹味。另外有鐵板泡菜炒飯，旁邊係蛋，炒至入味，粒粒分明，辣度適中幾開胃。湯品選擇都唔少，泡菜湯熱辣辣上，唔食得辣嘅未必接受到，第一啖都OK然後就嚟了 🤣 泡菜份量好多，煮至淋身，仲有少量豆腐，配埋碗白飯唔覺唔覺就清晒。麵嘅話有湯亦有撈，見唔少人點雜菜炒粉絲，淡淡香氣，唔算好油，比起其他一定會較淡，但呢個味道相信大人小朋友都啱食。