元豐園

营业中

休息中

今次为大家介绍嘅系一间唔系好出名嘅韩国人经营嘅韩式餐厅,呢间餐厅位于尖沙咀嘅宝勒巷 ,大家要留意如果大家想嚟呢间餐厅有时真系要碰运气,因为呢度嘅韩国老板系有时会做韩国嘅旅行团,当佢间餐厅FULL HOUSE的时候,佢哋系唔接受你排队等位的,食到或食唔到全部都系靠彩数。但系点解我都要去食呢,就系因为佢比较好食,大家仲要留意多一点,呢度嘅客服style有少少似澳洲牛奶公司的,落单谂嘢唔好谂咁耐,如果有选择困难随时畀人黑面,如果大家食饭又要多汁多𩠌或者多饭呢啲咁嘅要求奉劝大家唔好啦。点解我讲到咁都要介绍呢,唔通人真系犯贱。为咗食好嘢冇办法啦。 饭前小吃 - 唔错炆牛助骨堡 $75呢度牛助骨堡分开上, 牛助骨大大嚿够晒入味 不过我个人略嫌份量太多, 而且仲有个牛肉汤清汤另上,再加一个白饭,节食紧嘢我唔敢食呢个𩠌。 大大旧竹牛助骨牛助骨汤饭 $60牛助骨汤饭系会有一个牛清汤配一啲牛助骨,同埋另外一个白饭另上,牛肉汤清清地又好有牛味 ,我个人觉得仲好食过清汤腩饭。要留意呢个set系lunch系中午先有㗎,晚饭佢净系得烧烤,所以想食佢呢个午市套餐一定要喺中午度食。