三清洞摩西 (已結業)

韩国黎既三清洞专做年糕锅，丰富配料配上韩国辣酱同芝士无得顶。首先每人要拣一个锅，分别有芝士、海鲜、烤肉、部队、杂菜。
锅系韩国甜辣酱底，甜身惹味，辣度唔算太劲，岩哂唔太食得辣既人。烤牛肉薄身软滑又唔肥腻，肉味亦香浓。部队锅就有午餐肉、肠仔，锅本身已经有年糕、鱼糕，越煮越好食。拣完锅就拣面底，拉面、韩式粉丝、乌冬、细面
，食部队锅点可以唔拣拉面。软滑既面加上大量滑溜既芝士，口感软滑又惹味，食唔停口。仲有唔少特别既配料拣 (每款$18)，
可以再追加午餐肉、鱼饼
、紫菜卷，炸得香口。紫菜包住粉丝，甜辣既汤汁入哂味，好香口。猪肉饺子，炸饺子，猪肉馅饺子啖啖肉，炸饺子更香口。想拉面更正更芝味既就一定要追加芝士 ($25) 包你食唔停。最后仲可以追加炒饭 ($25)、芝士炒饭 ($35)
。芝士炒饭加入紫菜炒，紫菜好香口，成个饭都好香芝士，份量薄薄一层唔洗食到饱死。价钱实惠，就算叫完锅再追加所有野，两个人都唔洗$400就得。