影片
更多
2022-10-17
294 浏览
临近放工时间重回旧公司探望同事, 再去咗隔离Mikiki一齐食Dinner。呢间烧肉餐厅「一韩烧」由旧同事介绍, 价钱唔贵, 指定饮品有7折优惠, 再加上新张优惠全日免加一, 抵食!餐厅干净企理, 就算坐咗唔少食客, 都唔觉有油烟味。供应10款套餐, 每个set跟白饭、韩风汤、三色前菜或者沙律。我地二人每人order咗个set, 再散叫咗d肉share食。散叫系列有半份/全份咁order, 满足到我地想试多几样又怕食唔哂嘅人。三色前菜分别有辣海带、泡菜、腌萝卜粒, 三款都系辣辣地, 正好开开胃。餐汤系海带大酱汤, 入面有豆腐粒同海带, 味道唔会过咸。每张台上都放了酱油架, 多款酱料自行调配, 满足唔同人口味。美国牛仔骨 (300g)套餐:牛仔骨好新鲜, 油花平均好靓, 骨又唔会太大同太多肥肉, 特别系烤后近骨位嘅筋膜, 口感超满足!另一个set就拣咗 牛小排拼横膈膜肉 (120g)套餐。横膈膜肉嘅牛脂相对较少, 不过切片完美减少了难咬开嘅口感, 肉味相对浓郁。至于牛小排嘅牛脂分布平均, 口感比起横膈膜肉嫩一点, 同样不错!由于牛仔骨同埋牛小排我地都觉得唔错, 再encore咗每款50
临近放工时间重回旧公司探望同事, 再去咗隔离Mikiki一齐食Dinner。呢间烧肉餐厅「一韩烧」由旧同事介绍, 价钱唔贵, 指定饮品有7折优惠, 再加上新张优惠全日免加一, 抵食!
餐厅干净企理, 就算坐咗唔少食客, 都唔觉有油烟味。
供应10款套餐, 每个set跟白饭、韩风汤、三色前菜或者沙律。
我地二人每人order咗个set, 再散叫咗d肉share食。散叫系列有半份/全份咁order, 满足到我地想试多几样又怕食唔哂嘅人。
三色前菜分别有辣海带、泡菜、腌萝卜粒, 三款都系辣辣地, 正好开开胃。
餐汤系海带大酱汤, 入面有豆腐粒同海带, 味道唔会过咸。
每张台上都放了酱油架, 多款酱料自行调配, 满足唔同人口味。
美国牛仔骨 (300g)套餐:
牛仔骨好新鲜, 油花平均好靓, 骨又唔会太大同太多肥肉, 特别系烤后近骨位嘅筋膜, 口感超满足!
另一个set就拣咗 牛小排拼横膈膜肉 (120g)套餐。
横膈膜肉嘅牛脂相对较少, 不过切片完美减少了难咬开嘅口感, 肉味相对浓郁。
至于牛小排嘅牛脂分布平均, 口感比起横膈膜肉嫩一点, 同样不错!
由于牛仔骨同埋牛小排我地都觉得唔错, 再encore咗每款50g, 即系半份。
另外再order咗牛脷、牛五花、黑毛猪五花各100g,
牛脷唔会太过薄切, 厚度刚刚好, 烧至金黄带少少赵口, 再配芝麻酱, 正!
牛五花: 牛脂极少, 食落唔会太腻, 亦冇想像中咁鞋。
黑毛猪五花: 色泽粉嫩, 肥瘦相间, 烧后唔会过于油腻。
套餐追加汽水有7折, 但比另一张menu上嘅特饮同甜品所吸引住, 最后叫咗特饮。
青苹果热情果梳打: 青苹果果香味好清新, 大大杯, 超抵!
蓝柑白桃梳打: 白桃味突出, 又有少少蓝柑嘅涩, 非常够汽, 食住烤肉饮一流。
最后梗系要食甜品先叫完美!
甜品主要有牛角包窝夫同埋3.6牛乳雪花冰。
抹茶红豆牛角包窝夫: 将牛角包面团焗压成窝夫, 再于表面放上抹茶红豆忌廉, 口感creamy又唔会太甜, 细味仲食到牛角包嘅层次。
抹茶红豆3.6牛乳雪花冰: 雪花冰打得极幼细, 做到入口即溶, 每啖都充满浓郁牛乳味, 加上面层抹茶配料同埋抹茶雪糕球, 仲有甜得黎又够林嘅红豆, 整个配搭prefect match!! 推介!!
张贴
