影片
更多
2015-09-15
259 浏览
是日睇完戏, 揾地方食野, 朋友系韩烧迷, 一直想试依间韩烧店, 店铺位于亚士厘道, 7:30晚饭时间以为会劲多人要等好耐, 点知又唔使等㖞, 可能系我地Lucky啦o 由于系楼上舖, 所以地方很宽敞而且楼底高, 感觉唔迫仲几舒服添o 装潢比较简洁; 不过我是以吃为主, 所以比较关心食物多点o 这里最特别之处系服务员代客人烧食物, 唔使自己出手, 包唔会烧㶶食物, 又唔怕比油弹到, 真系好贴心呀o一坐低, 便有服务员为我地奉上热茶, 前菜, 餐牌; 推介我地食特选牛肋骨同秘制猪手o见隔离枱都有呢两味, 而且香味十足, 所以都叫黎食o 朋友仔就叫左最爱嘅猪大肠, 牛脷同羊架, 我自己就拣左五花腩o因为太多肉类, 所以我地仲叫左啲生菜, 可以包住啲肉一齐食o前菜有六款 : 芽菜, 泡菜, 青菜, 萝白, 鱼仔干同蜜糖薯仔o 六款当中我最钟意蜜糖薯仔, 有淡淡嘅蜜糖味, 薯仔不会太粉, 也不太硬, 因为太好味, 几乎比我食晒o 其余五款芽菜, 泡菜, 青菜, 没什么特别; 由于萝白, 鱼仔干都是我平时比较喜爱嘅食物, 所以都觉得味道不错o五花腩 : 其实我唔知五花腩点睇靓唔靓, 所以要靠我嘅
一坐低, 便有服务员为我地奉上热茶, 前菜, 餐牌; 推介我地食特选牛肋骨同秘制猪手o见隔离枱都有呢两味, 而且香味十足, 所以都叫黎食o 朋友仔就叫左最爱嘅猪大肠, 牛脷同羊架, 我自己就拣左五花腩o因为太多肉类, 所以我地仲叫左啲生菜, 可以包住啲肉一齐食o
前菜有六款 : 芽菜, 泡菜, 青菜, 萝白, 鱼仔干同蜜糖薯仔o 六款当中我最钟意蜜糖薯仔, 有淡淡嘅蜜糖味, 薯仔不会太粉, 也不太硬, 因为太好味, 几乎比我食晒o 其余五款芽菜, 泡菜, 青菜, 没什么特别; 由于萝白, 鱼仔干都是我平时比较喜爱嘅食物, 所以都觉得味道不错o
五花腩 : 其实我唔知五花腩点睇靓唔靓, 所以要靠我嘅味蕾啦, 服务员姐姐话五花腩烧到微微向上弯曲, 两面少少金黄色, 就最好味, 点啲店舖秘制韩式辣汁, 滋味呀!
猪大肠: 我平时系唔食内脏, 不过见佢烧到好香, 朋友个个都话好食, 我就试食一旧啦, 猪大肠外层烧到脆卜卜, 入面好烟韧, 点左啲椒盐一齐食, 味道更可口, 估唔到自己不知不觉食左3件, 不过少吃多滋味, 留肚试下其他野o
牛肋骨好大份, 色泽红红的, 很新鲜o 一放在烧板上, 香味即时散发出来; 烧好嘅牛肋骨好腍, 好鲜甜, 加埋啲酱汁, 将牛肋骨嘅鲜味提升, 真系无拣错, 好想Encore来多碟o
烧好嘅牛脷, 薄薄一片, 好腍, 唔使点酱汁都好好食o
羊架呢…..等左好耐先烧熟, 我个人认为有点韧, 唔够腍,; 不过好彩唔会太膻o
秘制猪手看似好肥, 不过入口完全唔觉油腻, 有啲卤水味, 又唔会太咸, 可以配合鼓油汁来食, 不过本身已够入味, 唔点都得o 同埋份量好足够, 可能肉类比较多, 唔使食饭都已经够饱肚o
其实仲有啲好多野想食, 不过真系食唔落, 唯有下次再试!!
张贴
