影片
更多
2023-05-22
786 浏览
早排系 FB 弹出D韩烧广告，好鬼吸引搅到韩烧引起，但广告上嘅餐厅系油塘地点较远，于是揾吓邻近有咩韩烧餐厅.其实屋企都有韩烧板，玩过几次，次次食完女友小熊都嗌肚痛，但佢出街烧又无事㖞! 都唔知点解?可能佢要韩烧 + 钱烧先唔痛! 烧就紧系我D钱啦!隔离红磡虽然有韩烧但泊电单车困难，黄埔更加系锁车黑点! 揾吓揾吓就揾到新浦岗一韩烧，系 Mikiki 入面，对面就有大大个电单车骨位，而且易揾位得多，咁就 Book 位开车去.自问仍然停留系恐龙时代，去一韩烧开餐已经可以用手机Apps订位而且佢地只收电子货币，先进到我都唔多识，揾女友小熊搅!一入店舖见到右边有一排一人独立位，哩个设计系D韩烧少见，咁就啱哂D独独嚟帮衬.小熊点咗份1号餐，韩式菜包黑毛猪五花，原因系佢话被 Menu 上 "饱住瘦身" 哩四个字吸引，仲有价钱唔贵几十蚊有交易! 好过汉和又加价仲要收加一!我再点牛仔骨，韩式牛肉饼，猪肉饼同猪大肠，几十蚊几十蚊落单好抵好化算!五花腩切得比较薄而且炉够猛所以好快熟，要小心睇火，第一次烧牛仔骨时无处理过就放入过炉，感觉唔多入味，第二转再烧时先用淋上烧汁，再用个夹笃吓件牛仔骨，笃至肉质松散先至
其实屋企都有韩烧板，玩过几次，次次食完女友小熊都嗌肚痛，但佢出街烧又无事㖞! 都唔知点解?
可能佢要韩烧 + 钱烧先唔痛! 烧就紧系我D钱啦!
隔离红磡虽然有韩烧但泊电单车困难，黄埔更加系锁车黑点! 揾吓揾吓就揾到新浦岗一韩烧，系 Mikiki 入面，对面就有大大个电单车骨位，而且易揾位得多，咁就 Book 位开车去.
自问仍然停留系恐龙时代，去一韩烧开餐已经可以用手机Apps订位而且佢地只收电子货币，先进到我都唔多识，揾女友小熊搅!
一入店舖见到右边有一排一人独立位，哩个设计系D韩烧少见，咁就啱哂D独独嚟帮衬.
小熊点咗份1号餐，韩式菜包黑毛猪五花，原因系佢话被 Menu 上 "饱住瘦身" 哩四个字吸引，仲有价钱唔贵几十蚊有交易! 好过汉和又加价仲要收加一!
我再点牛仔骨，韩式牛肉饼，猪肉饼同猪大肠，几十蚊几十蚊落单好抵好化算!
五花腩切得比较薄而且炉够猛所以好快熟，要小心睇火，第一次烧牛仔骨时无处理过就放入过炉，感觉唔多入味，第二转再烧时先用淋上烧汁，再用个夹笃吓件牛仔骨，笃至肉质松散先至烧，口感同味道正好多！
牛肉饼同猪肉饼好奇怪，烧果时完全无散开，但入口又好松软 Juicy.
一韩烧仲有个卖点系饮品，我地点咗荔枝梳打同梳打，用倒插摆放方法，好鬼有台型！原本无打算叫咖啡，隔离枱叫咗一杯外相好吸引，于是我地又点一杯朱古力咖啡，味道又浓又够甜 （Apps 落单时可以拣多甜少甜多冰少冰).
食完之后问小熊个肚有无痛，佢话个肚只系好脤无痛，但我部电单车被人搬搅到刮花! 心痛!
~~>_<~~
张贴
