籠太子點心專門店 (已結業)

首先必推一定系午市特快蒸饭餐，最平系$48 ，有蒸饭，可以配点心，最紧要系加埋汤，平时出街就咁饮啖汤都唔止$48啦，佢呢个唔系普通例汤，冇落味精嘅老火汤，真系comfort food😭，每日都会转口味我拣咗石斑荷叶笼仔饭，系有炒饭底，10分钟绝对值得等，一上枱，香味扑鼻，立即食指大动，即使只系套餐亦绝不欺场，石斑铺满面，鲜味荷叶味渗入炒饭，人间美咪👍🏻配上2粒虾饺，加上辣椒酱点缀，平民价钱，高级享受，乐而忘返😊高质嘅套餐令我加点其他点心，全部食物都新鲜热辣，特别提一提虾春卷，炸得干身唔油腻，内馅除有虾胶仲有蒜片，算系几特别嘅一款，值得一试😊👍🏻另外黄沙润肠亦非常好味，呢几日天气冻，好想再食呢碟肠粉，食完暖粒粒又补身。