小洋蔥 (已結業)

屋企附近无咩选择，所以昨日去咗小洋葱食晚饭。其实佢系大快活集团，不过质素比大快活好少少。餐厅主要食西式野，质素不过不失。虽然昨日星期五，但始终开系私人屋苑入面，所以唔多人，都唔使等位。我叫左黑松露野菌烩饭，等左接近20分钟，不过要慢慢煮，所以都系正常既。味道一般，可能我重口味，觉得偏淡左少少，菌味唔够突出，但$58咁大碟算几抵。朋友叫左铁板杂扒，全部热辣辣，佢话好味，我就觉得一般，其实叫杂扒有咁多样食物，就预左每款都会系次等材料，所以我无期望过，亦都唔会失望。食完俾钱先知原来唔使加一，都几抵。