Say Cheese (將軍澳中心) (已結業)

今日去将军澳行街，谂住去Rookie~Hong Kong秋冬 特卖场买衫比仔仔啦！点知货式一般，同仔仔好失望，就行下睇下有咩餐厅食晚饭。路过 Say Cheese, 睇到门口餐牌二人餐都抵食就入来食。仔仔又争住order 食物， 话要食牛扒㖞。纽西兰肉眼扒10安士 香煎鹅肝意大利饭是日餐~汤蘑菇汤 是日餐饮 ~百香果水果茶 雪糕~ 忌廉曲奇侍应问牛扒几成，我答十成，仔仔争住话7成，我都唔明点解佢唔惊生， 真识食。牛扒来到仔仔不断大口大口咁食，而我呢就好忙咁切。 鹅肝饭来到时 ，我心谂你唔会同我争呀！你都未食过鹅肝，点知我错了，佢又一叉咬去半件， 仲想成旧食哂， 我眼都突，佢话好香同个饭好夹，大佬我紧系知啦，你阿妈我想独享的 。