影片
更多
2018-04-02
537 浏览
作为上海菜既狂热粉丝，耐唔耐就要食返餐上海菜黎到油麻地九龙行试下蒲东小馆。可能仲早啦，叫左个四人餐，好快就开始上菜啦！四人餐有汤、凉菜两个、小菜两个、粉面饭一个、小笼包or生煎包四件同埋水晶桂花糕四件「手拍青瓜」最早到！用蒜头、醋同少少麻油捞青瓜，有少少冻，几清新既前菜。「特色凤尾鱼」其实唔知咩黎同埋会点整，但系见到系厨师推介就叫左。又几好食㖞佢系炸既，成条都可以食，虽然卖相一般，但炸得唔算太油，香脆，面头有甜甜地既酱同埋芝麻，香口惹味，唔错！重点系条鱼既肉都几厚身，唔系净食骨，可以一试「干煸四季豆」我无食到，见到有肉碎同埋都几油下，朋友话无特别，未系最好食既。「川味水煮牛肉」好大份呀！入面有好多牛肉、豆芽、粉丝、香芹。份量多到食唔晒面头有大量辣椒同辣油，但唔食得太辣既我都接受到！牛肉大块鲜嫩、豆芽爽脆、粉丝幼身圆既，有口感、少少弹牙。至于味道，唔系我地食过最好食既水煮牛肉，因为佢系得个辣味，无麻同香，所以差咁啲～「糖醋鱼块」睇上去一碟好似好少咁，但其实食落都有成十件鱼块，仲要件件都几大块添！有青椒、红椒、洋葱同罐头菠萝做配料。鱼块系炸既，但食落唔脆、炸皮少少淋左，唔知系咪啲酱汁浸耐左
黎到油麻地九龙行试下蒲东小馆。
可能仲早啦，叫左个四人餐，好快就开始上菜啦！
四人餐有汤、凉菜两个、小菜两个、粉面饭一个、小笼包or生煎包四件同埋水晶桂花糕四件
「手拍青瓜」最早到！用蒜头、醋同少少麻油捞青瓜，有少少冻，几清新既前菜。
「特色凤尾鱼」其实唔知咩黎同埋会点整，但系见到系厨师推介就叫左。又几好食㖞
佢系炸既，成条都可以食，虽然卖相一般，但炸得唔算太油，香脆，面头有甜甜地既酱同埋芝麻，香口惹味，唔错！重点系条鱼既肉都几厚身，唔系净食骨，可以一试
「干煸四季豆」我无食到，见到有肉碎同埋都几油下，朋友话无特别，未系最好食既。
「川味水煮牛肉」好大份呀！入面有好多牛肉、豆芽、粉丝、香芹。份量多到食唔晒
面头有大量辣椒同辣油，但唔食得太辣既我都接受到！牛肉大块鲜嫩、豆芽爽脆、粉丝幼身圆既，有口感、少少弹牙。至于味道，唔系我地食过最好食既水煮牛肉，因为佢系得个辣味，无麻同香，所以差咁啲～
「糖醋鱼块」睇上去一碟好似好少咁，但其实食落都有成十件鱼块，仲要件件都几大块添！有青椒、红椒、洋葱同罐头菠萝做配料。鱼块系炸既，但食落唔脆、炸皮少少淋左，唔知系咪啲酱汁浸耐左，哩到要扣啲分。鱼肉厚身，未算鲜美，不过不失。酱汁酸甜适中，唔会太酸或甜味盖过左酸味，唔错！哩道菜朋友都话好味，可能酸酸甜甜咁开胃好难唔好食挂但可以再好啲既！
「蒲东小馆炒饭」又系厨师推介，果然无介绍错！炒饭炒得干身，饭粒粒粒分明、但又唔会过硬同太油配料有虾仁、毛豆、肉粒、红萝卜粒，虽然配料简单，但系味道啱啱好，每样配料份量都唔少，几小啖就有肉或者虾一齐咬，好正饭份量好多嫁，四个人每人都分到两小碗左右，认真大方！哩个炒饭我下次黎必定再食
「腌笃鲜」哩个汤就麻麻。份量依然好多，有菜、百页、笋、咸肉同五花腩，但汤味道过浓，太咸饮唔落。咸肉空口食系要饮水既，五花腩太肥，得菜食得。如果重口味既人可以试下既，话晒都系上海名菜，但淡口味既就唔洗试啦！我地成煲野好似无点食过咁，可惜。
「小笼包」热辣辣蒸起，上到台仲冒紧烟，皮薄多汁，用筷子夹起都惊佢会穿，但系皮够韧，夹起都无穿到，见到大量既汤汁系入面，师传技术真系无得弹虽然冒烟但一啖放入口，汤汁温度啱啱好，唔会太热。一咬，成个口都系汤汁，汤汁唔会油腻但亦未算十分鲜甜，肉馅相对黎讲就比较细粒，但哩到既小笼包都算系我系香港食过数一数二嫁啦！（可能我食得未够多啦！）黎到一定要试啊！
「水晶桂花糕」全餐饭最伏！本以为系烟韧既，有所期待，但落到口好似脂肪咁，少少淋带软韧既感觉，似想融既年糕？唔识形容，质感好怪都算啦！佢面头啲桂花酱既物体原来唔系桂花酱黎，无甜味，好似油咁，千其唔好以身试伏
我地叫左两杯豆浆，点知黎到有四杯，个后生待应话系送既多谢晒呀！
本身以为环境唔会好得去边，点知装修新净、企理，感觉卫生情况唔差。
服务方面都唔错，无论老啲既侍应定系年轻既，都颇有礼貌，叫左几次加水、收碟、上甜品佢地唔会嫌烦
同埋哩到唔收加一，净收茶位。啲茶系大麦茶几好饮嫁！
性价比好高，食到好饱先一人$140。食物质素虽然有好有坏，整体黎讲都满意！
下次黎要试佢既心太软、红油抄手同埋鳝糊
特色凤尾鱼
39 浏览
0 赞好
0 留言
糖醋鱼块
33 浏览
0 赞好
0 留言
腌笃鲜
29 浏览
0 赞好
0 留言
水晶桂花糕
34 浏览
0 赞好
0 留言
张贴
