影片
更多
2023-09-04
2485 浏览
老实说，其实好耐都冇出街打边炉，尤其是系放题。因为本身对牛肉嘅要求都几高，而好多时出街食，一系就好贵，叫一碟靓嘅牛二百几蚊，但系份量又得好少，觉得唔系几划算。不过呢一日系想同屋企人庆祝生日，所以谂住出街食开心吓，无意中就揾到呢间大将，一人一锅自己可以拣自己喜欢嘅汤底，食物种类睇落去都好多，所以决定试一试佢。呢度环境相当阔落，装修系用木色风格，带少少日系。店员们都好友善，一直都有帮忙收拾枱面。我哋拣咗中间嘅价格，一开始会有个头盘，一份澳洲和牛牛小排，一份拼盘包括有和牛胸复眼，牛舌同埋墨鱼。之后想追加嘅话就另外叫店员帮手落单，可以追加嘅食品都唔少，再加埋出面有自助食品区，可以自己选择蔬菜，丸类，粉面类。仲要有味噌汤，炸物同一啲餐前小食任食，真系几正几丰富。我拣嘅系海老蕃茄汤底，个人私心推介可以出去再拎蕃茄同埋芫荽落去继续煲个汤，系超级好味😋 $388呢个价钱有得拣嘅和牛胸复眼完美地解决晒我心目中担心任食火锅啲牛唔够靓嘅疑虑，油花均匀，叫咗几盆都觉得质素非常好，净系食呢个我都觉得值回票价。如果钟意冇咁肥嘅，澳洲和牛牛小排质素都几好，不过就冰咗少少。一开始放低𠮶份头盘嘅墨鱼，又系一大惊喜，系细
呢度环境相当阔落，装修系用木色风格，带少少日系。店员们都好友善，一直都有帮忙收拾枱面。我哋拣咗中间嘅价格，一开始会有个头盘，一份澳洲和牛牛小排，一份拼盘包括有和牛胸复眼，牛舌同埋墨鱼。之后想追加嘅话就另外叫店员帮手落单，可以追加嘅食品都唔少，再加埋出面有自助食品区，可以自己选择蔬菜，丸类，粉面类。仲要有味噌汤，炸物同一啲餐前小食任食，真系几正几丰富。
我拣嘅系海老蕃茄汤底，个人私心推介可以出去再拎蕃茄同埋芫荽落去继续煲个汤，系超级好味😋 $388呢个价钱有得拣嘅和牛胸复眼完美地解决晒我心目中担心任食火锅啲牛唔够靓嘅疑虑，油花均匀，叫咗几盆都觉得质素非常好，净系食呢个我都觉得值回票价。如果钟意冇咁肥嘅，澳洲和牛牛小排质素都几好，不过就冰咗少少。
一开始放低𠮶份头盘嘅墨鱼，又系一大惊喜，系细致到预先𠝹左花，目测开咗花就可以食，口感弹牙，好重墨鱼味，好正！谂住再叫先发现原来墨鱼系要最贵𠮶个餐先有得任食。不过讲到海鲜，呢个餐有花胶，沙白，同带子，几样都有水准，沙白粒粒都有返咁上下大只㗎。
最后想赞一赞呢度嘅服务，因为我哋庆祝生日放低咗个蛋糕，同店员讲想上蛋糕，我系冇谂过佢哋会咁贴心帮我哋完全清理好张枱，想蛋糕嘅时候仲点埋蜡烛，播埋生日歌，仲有啲生日牌可以俾我哋拎住影相。其中有个笑位系店员话帮我哋影相，但系我哋发现佢拎住个相机唔系我哋㗎😳影完第一张先至再问我哋拎手机，之后先知道原来佢哋劲sweet咁即是制造左张生日卡送俾寿星女，就系用返我哋𠮶张相，劲有心，系一个意外收获🥰👍🏻👍🏻 呢一餐食得好开心 🤗
张贴
