影片
更多
2023-02-07
73 浏览
想揾间环境靓﹑气氛好既餐厅，朋友揾到间位于旺角既高质西餐厅 Y Dining😍 最近餐厅仲有任食青口 x 任饮啤酒优惠，CP值极高，超推荐比大家🫶🏻餐厅系旺角站A1出口附近，位置方便但好易错过呢间小店🫣 搭lift上一楼就系Y Dining，餐厅楼底够高，座位宽敞，好有空间感。加上灯光昏暗，枱上又放有蜡烛，成个氛围都好好，好适合同朋友黎庆祝或情侣约会🥂🍻晚市黎到有set menu，4-courses都系$500有找~ A la carte menu就更多选择，由前菜﹑意粉﹑意大利饭﹑海鲜﹑肉类﹑甜品都有，以咁高水准黎讲，定价都算亲民✅ 值得一赞既系店员亲切友善，细心讲解menu。而且服务周到，每食完一道菜都会帮忙换碟同餐具，仲换埋枱上熄灭左既蜡烛，认真细心👍🏻♢ 🍻𝑩𝒍𝒖𝒆 𝑴𝒖𝒔𝒔𝒆𝒍𝒔 𝑨𝒍𝒍 𝒀𝒐𝒖 𝑪𝒂𝒏 𝑬𝒂𝒕 $368 (免加一)呢个价钱可以系90分钟内任食蓝青口﹑任饮啤酒/汽水﹑任添蒜蓉包，加$20仲可以任食薯条添，真系超抵食呀🤤 见到即刻心心眼😍 不过留意返，优惠系逢星期一至四晚上先有架~ 记得提早同餐厅book位喔！蓝青口肉细厚身，味道特别鲜甜，仲有4种口味可以拣：蒜
餐厅系旺角站A1出口附近，位置方便但好易错过呢间小店🫣 搭lift上一楼就系Y Dining，餐厅楼底够高，座位宽敞，好有空间感。加上灯光昏暗，枱上又放有蜡烛，成个氛围都好好，好适合同朋友黎庆祝或情侣约会🥂🍻
晚市黎到有set menu，4-courses都系$500有找~ A la carte menu就更多选择，由前菜﹑意粉﹑意大利饭﹑海鲜﹑肉类﹑甜品都有，以咁高水准黎讲，定价都算亲民✅ 值得一赞既系店员亲切友善，细心讲解menu。而且服务周到，每食完一道菜都会帮忙换碟同餐具，仲换埋枱上熄灭左既蜡烛，认真细心👍🏻
♢ 🍻𝑩𝒍𝒖𝒆 𝑴𝒖𝒔𝒔𝒆𝒍𝒔 𝑨𝒍𝒍 𝒀𝒐𝒖 𝑪𝒂𝒏 𝑬𝒂𝒕 $368 (免加一)
呢个价钱可以系90分钟内任食蓝青口﹑任饮啤酒/汽水﹑任添蒜蓉包，加$20仲可以任食薯条添，真系超抵食呀🤤 见到即刻心心眼😍 不过留意返，优惠系逢星期一至四晚上先有架~ 记得提早同餐厅book位喔！
蓝青口肉细厚身，味道特别鲜甜，仲有4种口味可以拣：蒜蓉白酒汁﹑意式蕃茄﹑红咖哩(辣)﹑刁草忌廉汁。我地就拣左头两款经典口味，特别钟意蒜蓉白酒汁，味道够浓郁，好味到可以当汤饮😋 又或者点下蒜蓉包都唔错。啤酒更加夸张，店员捧住两杯大约750ml既特大酒杯过黎🍻 忍唔住wow一声！餐厅用上日本Suntory Gold啤酒，采用高品质钻石麦芽同日本天然泉水酿造，泡沫绵密，口感幼滑丰富，完全无苦涩感。一路食青口，一路饮啤酒，简直滋味又过瘾🥳
♢ 🐟𝑪𝒂𝒕𝒄𝒉 𝒐𝒇 𝒕𝒉𝒆 𝑫𝒂𝒚 $278 (Market price)
今日想食海鲜大餐，叫个「时令鲜鱼」试下先~ 厨师香煎原条金鲳鱼，份量十足！鱼上铺有蕃茄泡沫点缀，摆盘好有心思。表面煎至金黄色，外皮微脆，又可以保持肉质滑嫩。
♢ 🐖𝑩𝑩𝑸 𝑷𝒐𝒓𝒌 𝑹𝒊𝒔𝒐𝒕𝒕𝒐 $168
叉烧咸蛋意大利饭，最有惊喜之作🌟 听个名就有fusion感觉，以为系茶记两𩠌饭😂？店员讲解厨师系用左西式慢煮方法黎整叉烧，肉质厚身有咬口。而个risotto就用左咸蛋酱汁，每粒米饭都沾有香浓咸蛋味，入口惊艳！
♢ 🍰𝑻𝒊𝒓𝒂𝒎𝒊𝒔𝒖 $78
即叫即整，卖相吸引，系近期食过最好味既Tiramisu👍🏻 Mascarpone cheese味道香浓，口感比较挺身。手指饼既冧酒同咖啡味都超级浓郁，又保持到微脆口感，味道非常正，推介必点💫✨
张贴
