胡爐 (已結業)

好耐之前以经听讲过胡炉呢间火锅店做开单点火锅，啲野食同环境都唔错，依加仲推出埋半自助火锅，所以就约埋朋友一齐食。入到去，就见到成间铺个设计有中式风格，坐落都舒服。我同朋友就叫左个人参鸡锅。成个锅用料好足，啲鸡都系新鲜靓鸡，闻落都觉得正。个半自助餐本身包埋海鲜拼盘、手工丸饺拼盘同埋胡炉拼盘。佢地既手工丸饺每款都好好味😋海鲜全部都好鲜甜，牛肉同猪肉亦相当高质。我同朋友另外亦叫左牛柏叶，鱼片头，鱿鱼须，同埋豆腐，呢几款食材都唔错。铺头亦送左蟹比我地，但实在太饱，所以无食晒。虽然系半自助式火锅，但佢地食物同服务都保持到咁高质素，都几难得。