泰味屋

营业中

休息中

呢间系一间普通小店，听讲老板系泰国人，应该都几正宗，系天后大坑一带都好出名。小店一间，呢度嘅Lunch Set绝对系越值之选，约$40~$50，仲包一杯野饮。推介：泰式烧猪颈肉饭！猪颈肉唔会烧到太干，又唔会切到劲薄无口感。口感好好，虽然猪颈肉系好肥，但食到咁爽口嘅猪颈肉就乜都抵返。个泰式酱汁有点辣，不过我食开辣都接受到，但太辣有少少抢咗个味。个油饭唔错，系用泰国米会煮，软硬度适中，口感黏韧。散叫推介：－例牌海南鸡肉质好嫩滑，又唔会好削无肉食。而且鸡皮冇乜脂肪，唔会惊劲肥。个油饭都系一样咁好食，好香有咬口。－泰式生虾刺身啲虾肉好爽口，而且都几厚身。个酱汁好惹味，衬刺身一流，推介！