洛奇冰室 (已結業)

大家知我母亲节去咗流浮山食海鲜，最后食咗几百蚊一个人，仲未计我哋入流浮山嘅时间🫠如果想近近地食到高质海鲜，其实登龙街呢头真心好多嘢食，早排过嚟食居酒屋留意到有一间好多人食嘅冰室，当晚全场得一张空枱，仲要枱枱都系过嚟打边炉，可见呢间晚市海鲜粥底火锅几受欢迎👏🏻今次2人份量火锅套餐 ($198/位)系包咗指定七款海鲜拼盘，六款自选配料同粥底🍲 当日海鲜分别有带子、鲍鱼、沙白、蚬、生鱼片、虾同肉蟹🧡 一开头都唔会期望好大，点知只只蚬同沙白都鲜甜冇沙，只虾新鲜到仲识跳，仲有带子、鲍鱼呢啲回本海鲜，最印象深刻就系肉蟹因为真系爆多膏同劲多肉🤣 同埋店家好细心拆晒蟹啲唔食得嘅部位，全部海鲜都洗得干净👍🏻六款自选配料就拣咗牛肉芝心丸、松露香菇香丸、金沙鱼丸、养颜花胶片、娃娃菜、肥牛，自己同朋友都觉得佢哋嘅丸类好出色🥳 金沙鱼丸其实系有咸蛋黄流心嘅鱼蛋，真心好有惊喜🤩 芝士牛肉丸同贡丸都好juicy🤍而且呢个价钱有咁多块花胶其实真系食得好尽兴😚其实净系食配料都已经饱到上心口，中途店家会上南瓜、芋头、粟米，煲到最后啲南瓜同芋头会变蓉，呢个时候就可以加埋粥底同蛋捞返个粥底嚟食，个粥底索晒之前海鲜啲精华超鲜甜