影片
更多
2023-06-28
21 浏览
今日喺太子收工谂住揾间边炉试吓，经过见到呢间好似几吸引就入咗去食。一入去就有火锅酱料俾你拣，好特别，除咗普通蒜茸辣椒之外，仲有柠檬同埋青柠，试一试加咗落啲豉油度，又几清新，值得一试。 - 金沙黄金虾 呢个黄金虾份量好足，有好多只！而且好好味，咸蛋黄炒到入晒味，钟意食黄金料理嘅人一定要试吓！ - 怀旧沙嗲锅 沙嗲味浓，好适合钟意重口味嘅人食，感觉系真系自己熬汤，而唔系出面餐厅现成𠮶啲。同埋呢个汤底有小小辣，大约系十小辣level。 - 美国安格斯三角肥牛（大） 一上到嚟我见到啲牛肉纹理仲以为佢俾咗啲高级啲嘅牛我，问一问先知原来冇俾错，估唔到咁嘅价钱食到咁嘅牛肉，好抵，而且份量仲好多。 - 猪颈肉 猪颈肉份量都系好多，佢系对半开花切，睇得出厨房师傅刀功好好，啲猪颈肉因为个切法好快就熟，入口食落好嫩口，值得一试。 - 娃娃菜（半份） 差唔多系成个娃娃菜上，以为自己叫咗一份，最后差啲食唔晒。 - 新鲜炸响铃（半份） 佢个
今日喺太子收工谂住揾间边炉试吓，经过见到呢间好似几吸引就入咗去食。一入去就有火锅酱料俾你拣，好特别，除咗普通蒜茸辣椒之外，仲有柠檬同埋青柠，试一试加咗落啲豉油度，又几清新，值得一试。
- 金沙黄金虾
呢个黄金虾份量好足，有好多只！而且好好味，咸蛋黄炒到入晒味，钟意食黄金料理嘅人一定要试吓！
- 怀旧沙嗲锅
沙嗲味浓，好适合钟意重口味嘅人食，感觉系真系自己熬汤，而唔系出面餐厅现成𠮶啲。同埋呢个汤底有小小辣，大约系十小辣level。
- 美国安格斯三角肥牛（大）
一上到嚟我见到啲牛肉纹理仲以为佢俾咗啲高级啲嘅牛我，问一问先知原来冇俾错，估唔到咁嘅价钱食到咁嘅牛肉，好抵，而且份量仲好多。
- 猪颈肉
猪颈肉份量都系好多，佢系对半开花切，睇得出厨房师傅刀功好好，啲猪颈肉因为个切法好快就熟，入口食落好嫩口，值得一试。
- 娃娃菜（半份）
差唔多系成个娃娃菜上，以为自己叫咗一份，最后差啲食唔晒。
- 新鲜炸响铃（半份）
佢个响铃好大旧，系平时食开𠮶啲响铃嘅2-3倍大，一上枱已经俾佢嘅份量震撼到，而且仲要系鲜炸，就算浸左汤几秒再食依然系好脆同好香。
- 三文鱼（半份）
估唔到火锅店会有刺身，更加估唔到质素相当不错。下次去会试埋其他刺身，希望其他刺身一样有惊喜！
张贴
