和牛燒肉一郎 (新都城中心二期) (已結業)

冇食一排烧肉就会谂起呢间任食烧肉，我地见佢既c set唔贵又多选择，所以决定试一试，结果都一样高质，相对仲冇咁肥！呢个set包左海鲜，特选牛，炸物同埋任饮汽水同埋茶。本身都有包一次性既和牛，肉质一定软淋而且肉味浓郁，烧既时间都会短啲。最钟意系有少少㶶边，食落口感一流！另外炸鸡，炸蚝同埋薯饼都好出色，尤其系炸鸡，唔会食落一大旧粉团，调味亦岩岩好。特选牛肉我特别推荐牛里脊肉，一大块烧15秒左右食得，肉质拍得住和牛又冇咁肥，基本成餐都系咁追加。横隔膜都一样好好食，完全唔韧又重牛味！饮品方面都有好多选择，另外仲有热茶供应，基本上一定拣到岩口味既饮品。