Blue Lemon Cafe & Wine Bar (已結業)

同女友去完中央图书馆, 谂起好耐都去大坑揾食, 行去睇睇有咩好食先!经过呢间餐厅, 见个装修都唔错, 再睇下门口个餐牌, 又几抵食wor, 一于试下!!地方干净及宁静, 我地被安排在落地玻璃旁边的台, 望住条街食野都几写意; 台的距离都唔近, 仍保持私隐 (其他台就有少少逼); 侍应态度好好!我地叫左两个set lunch, 有汤, 主菜和一杯饮品:蕃茄汤 - 茄味浓, 味道好好!吉列猪排拼沙律 - 猪排脆卜卜, 但仍有肉汁, 处理得好好, 沙律系薯仔沙律加杂菜, 都好新鲜爽口, 碟边配有一个甜甜地的酱, 用来配个猪排都不错!即磨咖啡 - 好涩, 唔好饮......呢度真系一个唔错的地方, 可以静静地同另一半倾下计, 食物质素又不错而且又便宜!