柴石燒 (已結業)

将军澳人一定知道日日·食良呢间‘全黄’嘅Food Court，全场100%由良心小店组成，所以特登去支持下。见到呢间小店嘅石烧牛扒只系$88起，仲可以加$10加配饺子或其他小食，价钱唔贵，决定试吓。石烧定食包含主菜、沙律、珍珠白饭、味噌汤，都好丰富。石烧肉眼扒配日式烧汁，肉眼扒都算厚身，肉质同肉味都唔错，仲有啲冬菇蔬菜作配菜，以依个价钱嚟讲几抵食。上枱时石板上面块牛扒仲生生哋，要几生几熟可以自己控制。面豉汤同胡麻酱沙津味道都唔错，有一般日式餐厅嘅质素。白饭份量都唔少，食完成个定食真系劲饱肚。