影片
更多
2022-12-11
195 浏览
去中环揾朋友食个快饭，佢话呢间系佢新嘅饭堂，原来系米芝莲推介嘅中菜馆。午市有$88套餐包例汤，一个𩠌，一碗饭同埋糖水。见佢系驰名凰梨生炒骨就叫黎试下，同埋一个腊肠粒扒菜苗。驰名凰梨生炒骨: 上菜嘅时候已经觉得好有镬气，佢唔似平时出边酒楼食开嘅生炒骨，通常𠮶啲会好多汁系只碟到，但系呢一个夹起嚟嘅时候会见到一丝丝嘅。虽然冇乜汁，但系每一粒都系啱啱好，而且新鲜炸起，猪肉亦拣得好好，唔会话特别多骨，肥瘦刚刚好绝对值得一赞。凰梨亦都唔觉得系平时食开嘅罐头菠萝。腊肠粒扒菜苗: 份量好多，而且菜苗都够两个人食。上面嘅腊肠粒芡汁腊肠粒唔会吝啬，加埋菜苗啱啱好。呢个会较浓味，所以配埋饭啱啱好！甜品: 冰糖莲子红枣雪耳，啱啱入冬够晒润，虽然只系酒楼嘅糖水，但系每一碗佢都俾足哂料！总结：呢度坐得舒服，虽然系酒楼，但系地方干净，而且所有侍应都好好礼貌。我哋平日嚟，大概一点过少少，已经见到全场满座啦。中环以呢个价钱有咁嘅质素绝对值得嚟！有机会再试埋佢𠮶晚市先！
午市有$88套餐包例汤，一个𩠌，一碗饭同埋糖水。见佢系驰名凰梨生炒骨就叫黎试下，同埋一个腊肠粒扒菜苗。
驰名凰梨生炒骨: 上菜嘅时候已经觉得好有镬气，佢唔似平时出边酒楼食开嘅生炒骨，通常𠮶啲会好多汁系只碟到，但系呢一个夹起嚟嘅时候会见到一丝丝嘅。虽然冇乜汁，但系每一粒都系啱啱好，而且新鲜炸起，猪肉亦拣得好好，唔会话特别多骨，肥瘦刚刚好绝对值得一赞。凰梨亦都唔觉得系平时食开嘅罐头菠萝。
腊肠粒扒菜苗: 份量好多，而且菜苗都够两个人食。上面嘅腊肠粒芡汁腊肠粒唔会吝啬，加埋菜苗啱啱好。呢个会较浓味，所以配埋饭啱啱好！
甜品: 冰糖莲子红枣雪耳，啱啱入冬够晒润，虽然只系酒楼嘅糖水，但系每一碗佢都俾足哂料！
总结：呢度坐得舒服，虽然系酒楼，但系地方干净，而且所有侍应都好好礼貌。我哋平日嚟，大概一点过少少，已经见到全场满座啦。中环以呢个价钱有咁嘅质素绝对值得嚟！有机会再试埋佢𠮶晚市先！
张贴
