日常素食 (已結業)

素食近年愈来愈受欢迎，呢间系黄大仙庙附近嘅餐厅，素食自助餐，亦非常受欢迎🥰餐厅喺商场内，开放式座位，空间感大，座位都好舒服😌 自助晚餐 $125/人，好抵食🤩菜式选择都好多，有沙律吧、热食、炸物、汤及甜品等，我行咗几转先试到一半嘅嘢😋 一嚟到立即要饮番碗老火汤，红萝卜🥕莲藕粟米🌽，清甜滋润。 旁边仲有似碗仔翅嘅五宝素羹，材料丰富又香浓。 热食有豉汁鲜竹炆凉瓜、鱼香茄子🍆炆豆腐、菠萝咕噜肉、椰香芋头南瓜、南瓜香菜炒饭等等，味道香口又唔会太油腻。另外仲有寿司、芋头馒头、XO酱炒萝卜糕、姜醋蛋、芋头鱼等等 真系食到你好满足🤩🤩