串爸爸

营业中

休息中

探完朋友之后就去咗宝达街市下面扫街，见到有间串烧店几吸引，就叫咗几样嘢试下。😆蒜香带子芦笋意粉 $68估唔到串烧店都有意粉食，意粉好大盒，有三只煎到金黄色嘅带子。意粉好香蒜味，仲有好多芦笋好足料。😆呢个餐仲会送汽水一罐，好抵。炸鱿鱼须 (份) $28一份有七、八条炸鱿鱼须，每条都好大条，夜晚睇波送酒一流。🤣炸双拼 $30呢个炸双拼好抵食，可以喺鸡翼、烧卖、春卷、薯条、薯饼、麦乐鸡、咖喱角同芙蓉鱼仔拣两款，我就拣咗炸烧卖同麦乐鸡。炸烧卖有十几粒，加咗孜然粉好惹味。海盐烧牛舌(串) $30牛舌好大块，烧得啱啱好，爽口弹牙，想食多几串。😋招牌原条茄子 (条) $42原条茄子差唔多有我前臂咁长🤣 加咗大量蒜蓉，必食。