Comfy by Chef's Stage (東廣場)

营业中

休息中

烤南瓜希腊芝士牛油果比高包配薯条$78 好钟意牛油果同埋希腊芝士嘅组合，佢哋口感好相似，都系好Rich同埋各自有自己特色嘅香味。食嘅时候加埋烤南瓜成个口感好配合同埋完整。仲会加埋火箭菜做配料，火箭菜嘅独特香味令到成个包更加立体同突出。明太子带子忌廉意粉$138 明太子嘅鲜味好突出，同埋忌廉一齐食真系好吸引，忍唔住又食下一啖。新鲜嘅带子煎得啱啱好，佢嘅鲜味同明太子嘅微辣味令到成个意粉食得好过瘾。抹茶红豆拿破仑配黑糖蕨饼$58 拿破仑有三层，每一层都有抹茶味嘅吉士酱隔开。酥皮烤嘅时候仲油咗一层糖，所以食落去会有淡淡嘅焦糖味。每一啖加埋抹茶吉士酱同埋红豆蓉味道好平衡。抹茶嘅苦甘味同埋红豆蓉嘅甜味中和咗再有埋拿破仑酥皮嘅酥脆口感，拿破仑做得好出色。