Doux (已結業)

约阿妈食饭，拣左间旺角嘅西餐厅，见环境几好，可以试下。预先订左枱，可以坐窗口位。我都满意个窗口位，因为够光，如果坐餐厅中间嘅位灯光就会暗啲。侍应仲俾咗两个篮我哋放手袋，好细心。我地叫左个带子沙律，有羽衣甘蓝，配甜甜地嘅沙律醋，好清新好味道，带子都煎得好香口。青口香槟忌廉汁意粉卖相好靓，意粉弹牙，青口肉嫩滑，配忌廉汁好食。我叫咗杯桂花乌龙茶奶盖，乌龙茶味浓，奶盖少少甜。House Burger 同menu张相一样咁靓，个饱面脆脆，汉堡排肉汁饱满，正！炸薯条都好好食，炸得够脆。甜品Matches摆盘好靓，只碟都靓，但个mousse太甜，饼干都太甜，我食左少少，我妈就食晒。依度食物价钱合理，环境舒适，侍应服务都好，可以再帮衬。