湯火功夫麻辣燙 (已結業)

我在铜锣湾逛街，行到肚饿好想食麻辣，但同行朋友食唔到辣，咁点算好呢？好彩俾我揾到间有麻辣汤底同蕃茄汤底嘅铺头，名叫汤火功夫，一次过就满足晒我哋两个唔同嘅要求啦。餐厅嘅点菜模式系一入到去坐低，店员就会比客人每人一张点菜纸，由客人自行选择汤底、蔬菜、肉类、面和饮品，配料嘅选择数量都系由客人自己话事。我选咗招牌麻辣汤汤底，加小辣和中麻，会拣咗通心菜、莞茜和卤水鸡中翼，面底选咗米粉，加冻奶茶。朋友选咗蕃茄汤底，走麻走辣，配料选咗火腿、唐生菜和薯仔片，面底选咗薯粉，加冻柠茶。我觉得两个汤底都好正，招牌麻辣其实唔算太辣，下次可以挑战中辣，麻嘅味道非常好，我好钟意。蕃茄汤底好浓郁，好鲜甜。面我会推介薯粉，真系好滑好烟靭。配料方面鸡中翼好味，菜都好新鲜，朋友话薯仔片好正，火腿系用厚火腿，仲要有成三四块，好抵食。冻柠茶冻奶茶嘅味道都唔错，冻奶茶系港式嘅味道，正呀！