鬍鬚仔 (已結業)

胡须仔总店系喺青衣，𠮶阵已经留意到系高质黄店，最近喺屯门开咗分店，近近地终于可以试吓！呢间屯门分店系自助形式，排队落完单后自己揾位同埋捧餐，座位都算多，食物都系即叫即整。•🥢墨西哥脆辣鸡堡 $39鸡扒大大块，腌得好够味，炸到外脆内软，juicy而唔油腻，辣度只系小辣，推荐！•🥢韩式泡菜牛堡 $42汉堡包夹住牛肉、泡菜、蕃茄、生菜同芝士。牛肉唔干，少少juicy，唔会痴牙，而泡菜唔会好咸，少少辣，出奇地好食🤤 同其他配菜好夹，如果芝士味再重啲就perfect😋•🥢脆香鸡翼(小食餐A) +$22汉堡同热狗都可以加跟餐小食，我哋拣咗两只鸡翼同一罐汽水。鸡翼冇咩味，味道好淡，够脆口但炸粉有少少厚。•🥢咸蛋黄薯条 $32叫咗全份咸蛋黄薯条，薯条系超级粗，薯味好浓，似薯角但唔太脆，我个人比较钟意食脆身嘅薯条。咸蛋黄太少，所以咸蛋黄味好淡，如果点茄汁嚟食更加食唔到咸蛋黄味。