Cafe Paradise (砵蘭街) (已結業)

今日同同事去完太子做野，谂住食埋晏先返公司，上网揾到呢cafe，就黎左呢度食晏，呢度价钱合理，抵食大份，坐位坐得舒服。唉！如果公司附近都有间咁既cafe就好啦！由于冇食早餐既关系，我非常肚饿，我地叫左两个lunch set, 印度咖哩吉列猪扒配饭同香煎三文鱼黑松露芦笋意大利饭之外，再加左个蒜香牛油白酒煮蚬。食完又要返公司搏杀过！南瓜汤-饮得出有浓郁嘅南瓜味，好足料！印度咖哩吉列猪扒配饭-炸到薯饼咁脆既吉列猪扒，配印度咖喱，咖喱点可以冇饭，净系印度咖喱都可以送到成碗饭，食完个吉列猪扒仲有沙律菜中和返！香煎三文鱼黑松露芦笋意大利饭-绵密既意大利饭充满着黑松露嘅香气，再混入切碎左既爽脆芦笋同忌廉，口感丰富，厚切既三文鱼煎得够香脆，咬落仍然juicy。蒜香牛油白酒煮蚬-上枱既时候已经闻到好香，蚬虽然细只，但份量几多，蒜蓉牛油🧈白油加埋洋葱🧅入晒味，完美配搭！