影片
更多
2024-04-05
12 浏览
放假想食好啲，同老婆去左尖沙咀揾饭食，行过海防道见到间omakase 唔使一千每位，就胆粗粗上去问下有冇位，好彩闲日咁啱仲有两个位，真系好彩。店铺围住师傅只有十几个座位，空间感好好，够哂宽敞坐得好舒服，睇完餐牌我哋拣左十八道菜既樱，每位都系798。首先系三款前菜，师傅每首菜都有讲解，分别系糖醋车厘茄，食落甜味十足带点微酸，然后有慢煮南瓜，丰富南瓜甜味配上木鱼味，皮都煮得好软冧，最后系矶煮螺，慢煮两至三个小时，螺肉既鲜甜，口感又软冧，食到淡淡酱油味。前菜之后系五道刺身，先出场系石垣鲷，鱼肉微微油份，充满白身鱼清香，师傅落少少柚子汁，相当开胃。墨鱼刺身口感好爽身，味道清甜，经过师傅既刀功后一咬就开。估唔到会食到鲭鱼既刺身，鱼肉火炙后鱼皮香口，鱼肉油份高，入口即融，鱼油系口到爆开，真系惹味。之后赤鯥刺身都经过火炙处理，仲加左山葵平衡，食到浓浓鱼油外，鱼肉都相当鲜嫩。最后既刺身系华涟生蚝，师傅加左少有既梅酒啫喱，味道微酸甜，同鲜甜既蚝味相映生辉。金鲷立鳞烧，师傅介绍金鲷比其他鲷无咁重油份，用油温190到200度既油炸鱼鳞，炸到鱼鳞香脆，鱼油依然丰富，配上海胆酱，唔会抢走鱼味又可提鲜，一块鱼肉两
店铺围住师傅只有十几个座位，空间感好好，够哂宽敞坐得好舒服，睇完餐牌我哋拣左十八道菜既樱，每位都系798。
首先系三款前菜，师傅每首菜都有讲解，分别系糖醋车厘茄，食落甜味十足带点微酸，然后有慢煮南瓜，丰富南瓜甜味配上木鱼味，皮都煮得好软冧，最后系矶煮螺，慢煮两至三个小时，螺肉既鲜甜，口感又软冧，食到淡淡酱油味。
前菜之后系五道刺身，先出场系石垣鲷，鱼肉微微油份，充满白身鱼清香，师傅落少少柚子汁，相当开胃。
墨鱼刺身口感好爽身，味道清甜，经过师傅既刀功后一咬就开。
估唔到会食到鲭鱼既刺身，鱼肉火炙后鱼皮香口，鱼肉油份高，入口即融，鱼油系口到爆开，真系惹味。
之后赤鯥刺身都经过火炙处理，仲加左山葵平衡，食到浓浓鱼油外，鱼肉都相当鲜嫩。
最后既刺身系华涟生蚝，师傅加左少有既梅酒啫喱，味道微酸甜，同鲜甜既蚝味相映生辉。
金鲷立鳞烧，师傅介绍金鲷比其他鲷无咁重油份，用油温190到200度既油炸鱼鳞，炸到鱼鳞香脆，鱼油依然丰富，配上海胆酱，唔会抢走鱼味又可提鲜，一块鱼肉两种口感，真系一绝。
寿司环节首先登场既系深海池鱼，经过两日熟成，鱼质爽身左，油份浓缩左。
北海道帆立贝大大粒，加上柚子皮，配赤醋饭更鲜甜。
牧丹虾来自北海道，比其他产地体积更大，更鲜甜，加上日本乌鱼子少少咸香，甜度更高。
赤身以传统做法酱油渍，口感更添棉滑感 。
大拖罗取自和歌山野生吞拿鱼，选用蛇腹位，更肥美更多筋位，师傅用刀切断筋位，入口咬几下慢慢溶化，鱼油味渗出来。
海胆海苔卷，选用日本皇室御用海苔，脆度系平时海苔既两倍，而且有淡淡炭香，食落海苔浓烈既味道爆出来，赤海胆甜味反而变成配角。
江户前玉子，沿用三百年前造法，只以虾肉鱼肉鸡蛋糖四种材料，外表似蛋糕，食落浓烈蛋香，口感松软。
鲷鱼清汤，一掀开盖见到汤汁奶白色，成碗不见一块鱼肉，但饮落浓浓鱼味。
成餐饭以手制红豆饼配雪米糍作结，食完咁多道菜式，生理同心理都相当满足，师傅精湛既技术，同每道菜用心既讲解，都系一个好舒服既体验。
张贴
