點心到 (鴻星大廈)

营业中

休息中

今日嚟到依间位于弥敦道嘅点心专门店「点心到」，佢嘅装修系行现代简约，感觉好新净，而且地方都好大，坐得都好舒服。佢同而家嘅餐厅一样，系采用QR code落单，但系其实都有传统点心纸可以嗌，感觉都好方便。我哋两个人一共嗌咗七样食物，最基本嘅虾饺烧卖就一定唔可以少，佢嘅点心全部都系热辣辣蒸好，所以感觉都好新鲜，而且佢嘅点心都好大粒，但佢嘅价钱一啲都唔贵，唔到$30左右就可以有一笼点心。比较特别少少嘅，我哋就嗌咗沙姜汁淮山，加埋西芹同云耳口感十足，不过我个人就麻麻哋西芹嘅味道😂。除此之外，佢嘅黄金流沙包都好有惊喜，虽然唔算好大粒，但系系超级流心，咬咗一啖之后争啲啲汁都滴晒落张枱😂。佢嘅小笼包都好多汁，而且份量都好大粒。整体上，佢嘅点心份量都唔少，而且热辣辣蒸好都好新鲜，最重要系价钱唔贵，不过就要留意番茶位每位系$5。