大阪日本料理

营业中

休息中

好耐冇入嚟元朗，一场嚟到，当然要揾间小店帮衬下。呢间都几隐蔽，舖仔细细，环境一般，但价钱就好实惠。叫咗个鱼生饭定食，包沙律，前菜，茶碗蒸同面豉汤，晚市 $102 免加一。沙律系粟米粒配蟹柳，粟米粒唔系好甜，所以如果沙律酱多返少少就更好；前菜系中华沙律，正常味道；面豉汤入面嘅海带同豆腐粒都几多，算有诚意；茶碗蒸虽然份量唔多，但蛋够滑，入面仲有细细粒虾肉同带子，好食。主角鱼生饭好大碗，鱼生片有三文鱼，剑鱼腩，带子，北寄贝同甜虾，剑鱼腩同三文鱼都系厚切，够肥美，超正；甜虾都够新鲜，连虾头嘅膏都甜；至于带子同北寄贝就比较薄切，唔太够喉😂。饭底好明显食得出系好饱满嘅日本米，我嘅至爱。